5 - ممكن افهم؟؟

سوف اتخيل نفسي ساذجة او ناقصة الاهلية و اريد ان يشرح لي احدكم يا اصحاب الفرحه العارمه و الانتصار المهيب

1- بماذا تحتفلون؟؟ بسقوط د. مرسي؟
لم ؟؟ الم يكن حلم لنا يوما ان تكون الانتخابات هي الاساس. الم يأتى عبر الانتخابات؟؟

2- لم كل هذه الشماته و الصراخ و الفرح . وكم الشتائم الغريب ( انهم غم و انزاح- جبل و انزاح - الخرفان وووووووو). ؟

3 اعتذر ان ادخلت الدين في كلامي. حين اجد القنوات المسيحية سعيده و تهلل من الفرح و السرو و ان الحمد لله كابوس وانزاح.؟

4- الساده اهل الامارات فرحين والان يعلنون انهم سيعطون لمصر السولار و البنزين....طبعا ما هو مشروع القناه انتهي قبل ان يبدا.

5- اول ما حدث بعد القرار . ان تغلق القنوات الفضائية الاسلاميه او ذات التوجه الاسلامي. لم ؟ ما الذي تنوون فعله و تريدون التعتيم عليه؟؟

6- سناريو قطع الاتصالات يتكرر الان مع اهلينا في ميدان رابعه. يقطعون الاتصال عنهم. 

7- حملة الاعتقالات التى بدات و المنع من السفر . لم بكل هذه السرعه؟ لقد ظللنا نصرخ ان اقبضوا على مرتكبي الشغب و لا حياة . واخذت الشرطة تتفرج و تستمع بالافلام التى تحدث كل يوم.

8- ضرب النار على الافراد العزل و قتل الابرياء بكل البرود و الهدوء.

انه الانتقام يا ساده ...الانتقام مممن حاول ان ينهض ببلدنا . من حاول ان يكون لنا قائمه من جديد.

4. اعتذر انك كنت الضحية

د. مرسي

اعتذر لك .
اعتذر اننا من اجبرناك ان تتنازل عن هدوئك و حياتك الامنه و ان تكون في مهب الريح و في وجه العواصف

اعتذر اننا تركناك لشماتة القاصي و الداني .

 اعتذر اننا اخترناك لشعب لا يعرف مذاق الحرية و استساغ  طعم  الكرباج و شعاره المحفوظ قلبا و قالبا كلمة انا مالي.

اعتذر لك عن كل كلمة اساءه سمعتها في حقك يوما و لم استطع الرد عليها

اعتذر لك نيابة عنى و عن اهلي .

اعتذر عن كثير و كثير .

و ادعو لك الله ان يجزيك عنا وعما قدمت كل الخير .

3- يا ليتنى لم اكن مصرية

لا استطيع الاستيعاب او التصديق. كيف يملك هذا الشعب كل هذا الغباء و القدرة على تصديق الكذب و جعله حقيقة. العيب ليس عيب الحكام حين يضحكون عليه فهو بحق يستحق ان يتلاعب به من فرط سذاجته. 

ما تفسير كل هذه الشماته ؟ . ماذا فعل الاسلاميون بكم لكي تكرهوهم كل هذا الكره؟ ان يصل الاستبداد ان يكون دمهم حلال اراقته و اموالهم مستباحة. ان يكون النداء عليهم يا اصحاب الزنازين عودا الي زنازينكم.؟

هل تعلمون لم سجنوا ؟ ليس في سرقه و لا قتل و لا فجور انما لقولهم كلمة لا اله الا الله . حموا الدين و انتم تلعبون . و تلهون. 


كثيرا ما كنت اقول ان هذا بلد الغباء و كان الكثير يهاجمنى . اليوم اتاكد منها اننا شعب تافه و فارغ يستطيع الجاهل ان يلعب بنا و يفعل الافاعيل.

اليوم اكررها بصوت عال يا ليتني لم اكن مصريه .

2

شكرا ليكم يا اهل بلدي يا لحمي و دمي

لما اخوانا و اصحابنا اعتقلوهم في الامارات و عذبوهم  وعملوا كل المحظور فيهم . ساعتها سالت و قلت ليه مسلم يعمل في اخوه كده . الناس دي عمرت و كبرت و علمت و الخليج مشافش منهم اي سوء ليه الغدر ده؟.

النهارده هقول ايه و انا شايفه مصري مسلم بيعتدي على حرمة اخوة المصري المسلم. باي حق و باي ذنب .؟ مهما كان الاخوان سئين هل يستاهلوا انه يتعمل فيهم كده. احنا محبوسين و مهددين في بيوتنا و اعمالنا ومكاتبنا .

ليه الناس متراجعيش التاريخ و تشوف و لو حاجه واحده عملوها الاخوه . بلاش نقول الاخوان على بعض. في كل شارع او حياة واحد مننا اخ قابله و اكيد كان له علامه . طب دي ما تشفعش. بتعلمونا ايه اننا نكفر ببلدنا و نقول انها متستاهلش ...اننا نقول وانا مالي و انا ومن بعدي الطوفان؟؟؟

يوم ما المتحف المصري قالو انه اتهاجم قلبي وجعنى عليه ودعيت ربنا يخفظه من كل سوء ، عشان ده مصري مش اي حاجة تانيه . مع كل عربيه كانت بتتحرق و لا مكان كان بيخرب كنا بنبكي عشان الدمار اللي حصل . النهارده بمنتهى البرود المقرات بتولع و البيوت بينضرب عليها النار و الناس فرحانه و مبسوطه و هاتك يا شماته .


طب هنحبها ازاي ؟؟؟
طب هاحبهم ازاي؟؟
طب هنعيش فيها ازاي؟؟؟

هينفع بعد كده اسلم على اللي بيشتم ابويه و بيدعي على عمي . ينفع بعد ما النفوس ما اتعكرت اننا نرجع تاني مصريين؟؟

فضفضة بنت أخ-1

بسم الله الرحمن الرحيم
النهارده 30 -6- 2013
اليوم اللي من شهور واحنا قلقانين من مجيه . دعوات كتير دعت للنزول في اليوم ده و اقاله الرئيس وووو وحاجات كتير قوي. بقالنا يومين و احنا في حالة رعب . 
بتكلم عن نفسي و مليش دعوة بغيري . و اللي بقوله فضفضة بيني و بين نفسي. باتكلم عنى كبنت واحد من الاخوان . انا مش اخوانيه لو في تصنيف بيقول كده . بمعنى انى مش منتظمه في صفوف الجماعة و لا باحضر دروس و لقاءات . ما نكرش انى في اوقات باتمنى لو انى كنت معاهم و منتظمه وياهم.

بس في الاخر انا محسوبه منهم. مش هاكلم عن عيوب و لا مميزات . باتكلم عن تجربتي و اللي شوفته و بشوفه. زمان الامن عاندنا و ضايقنا و معرفش ليه . شوفت ابويه و هم بيعتقلوه . شوفت بيتنا و هو بينداس من غير حرمه و اوضنا ودواليبنا بتتفتش و لا كأن ليها صاحب. 

شوفت امي بتتشتم من ضابط من غير سبب. شفت كتب بابا فضل سنين و سنين يقرا فيها بتتصادر و تتاخد في اشوله زي الزباله.

شوفت حياة مستقرة اتهدت في لحظه و احلام بنى ادمين اداست بالنعال . 

النهارده لسه بندفع تمن لحاجه ايه هي مش عارفه . لما نبقى في بيتنا و نبقى خايفين. خايفين انهم يتهجموا علينا . ليه عشان والدي اخ من الاخوة. اللي اعرفه عن ابوي انه راجل صالح. لا هو حرامي و لا سارق و لا كذاب. طب الجرم ايه؟ ليه نقفل شبابيكنا و نشد ستايرنا في عز الظهر ؟؟ ليه الاقفال نعلقها من جوه ..ليه و ليه . ليه افضل صاحيه لحد الصبح خليفه من عربيه تعدي الشارع و لا موتوسيكل يزمر. 

ياريت اعرف ايه السبب و ليه ؟؟ايه الصح ؟ و عايزين ايه؟؟
احنا مش طالبين غير الستر 
مش طالبين غير العدل ...ده كتير؟

اطفال

هي من تمضي ، تعبر و تركض ، احوال تتبدل و اخرى تتغير ، و يبقى بل تبقى الصور العجيبة في بلدنا ، تتكاثر و تتنوع على كل الاشكال . اطفال كثر لاب و ام لا اكثر ، في حجرة ضيقة تحت السلم ، تقبع في ظلام دامس و حوائط رطبة . في كل عام يزداد المكان بطفل جديد و هلم جرا. لا مانع ان يعملوا في سن صغيرة ، بل ان هذا هو الهدف من اتيانهم للحياة ، لا مانع من ان يكون المخدوم طفل مثلهم او اكبر منهم . لا فارق و لا معنى لروح تكسر و قلب يشرخ..

بسم الله، الله اكبر و تراتيل اخرى. من قائلها طفل صغير يحمل صندوق الفواكهة و ينقله من مكان لاخر و هو يرتب محل الخضراوات و الفاكهة. عمره لا يتعدى السبع او الثمان سنوات. بدل من ان يلعب يعمل و يحمل و ينقل و الاهم ابتسامته التي لم تفارق وجهه.

حائط مهدم و قوالب طوب في وسط حجارة مكسرة . من بينهم ظهر هذا الصغير يرتب قطع الطوب قطعة و قطعة يرتبهم فوق بعضهم البعض لماذا لا اعلم؟؟؟.