هي كلماتى اكتبها لنفسي وبنفسي منها مااسمح للغير بالاطلاع عليه ومنها ماهو سر لا يجوز للغير رؤياه.... قد تعجب البعض وقد ينفرها الكثير ..ولكن في كل الاحوال هي لي وهي تعجبنى و هذا هو الاهم...
السبت، 16 أكتوبر 2010
آية!!!!
الثلاثاء، 31 أغسطس 2010
و أعوذ بك ربي من قهر الرجال
الثلاثاء، 17 أغسطس 2010
اللسان وحديث مع النفس
آه و آه ....آه لما اللسان يبقى عن الكلام عاجز...و يبقى عليه زي اللجام رابط....يقف الانسان مذهول ... عايز يقول و يتكلم ويحكي , يفسر و يمكن اوقات يصرخ لكن امر الله ان اللسان يكون ساكن وعن الكلام عاجز...!!
ابتلاء..؟؟؟ ايوه طبعاً من رب العباد يرفع بيه درجات و يحط بيه خطايا و ذنوب ...لكن اكيد صعب مش سهل... مش سهل ان الانسان يكون عاجز حتى عن تفسير اللي جواه... انه يكون صامت عن اقل حقوقه .....و يحتاج للي ينوب عنه.... عن نفسه.....
النهارده حسيت قد ايه اللسان ده نعمة ( بس طبعا لما يكون شغال و بيتكلم و يقول ) حسيت ان الكلام نعمة...نعمة انك تقول صباح الخير... الاجرة يا ريس... و الباقي من فضلك ...على جنب يا اسطى لو سمحت......الخ ...الخ...
ياه حاجات الواحد بيقولها كل يوم و كل ساعة ولسنين طويلة عادي جداً زيها زي الهواء اللي بيتنفسه واخدين عليه عادي جداً. بس النهارده لقيتها مش عادية و عند ناس تانيه الحكاية صعبة جداً ويتمنوا انهم ينطقوا و إن لسانهم يحكي عن اللي جواهم و يقول.... مش لازم تكون قصايد و لا حكاوي كفاية تكون الكلمات العاديه اللي بنقولها كل يوم و كل ساعة ......
بجد اللسان والكلام طلعوا نعمة جميلة قوي قوي...وكبيرة قوي....ربنا يحفظها للواحد ويساعد الي اتحرم منها.....
آمين يا رب.
الاثنين، 9 أغسطس 2010
مسرحية كبيرة
الثلاثاء، 3 أغسطس 2010
ايـــه يــا بــحــر!!
ايه يا كبير...موجه ورا موجه... ميه كتير ورمل كثيف...شمس الصيف فوق الرؤوس مسلطة و بيحتموا منها بشمسية وعلى الكراسي ناس قاعده...
الصيف يطل و الكل يجري مشتاق على حضن البحر يرموا نفسهم بين موجه....
مفيش غير ضحكه و لعبه ... اكله و تمشيه ..أغنية هنا وهمسة هناك...زي ما يكون البحر كلمة معناها فرحة...فرحة طفل بموجه بتجري وراه ...و فرحة بنت على الرمل بتبني قصور زي القصورالىّ في أحلامها...
الخميس، 29 يوليو 2010
كوب من عصير القصب
كنت اراه صباح و مساء ذهابي للعمل جالساً مفترشاً الارض وامامه بضاعته القليلة ، فليل من الجوارب الحريمية وشرابات الاطفال المعاصم وغيرها من قليل الاشياء هي رأس ماله وهي عماد حياته.
الأهم انه كان دائم الابتسام و الرضا من عينيه يشع نحو الجميع سعيد بما قسمه الله.
كنت دائماً اتساءل كيف يعيش و كيف له ان يكمل مسيرة الحياة وان يربي ابناءه ويسير احوال اسرته فلا اظن ان الجنيهات القليلة من ربح تجارته تقيم عماد اسرة وتسترها فى زمننا هذا!!!
كنت افكر يا ترى كم له من الاولاد هل هم ولد وبنت، ابنة وولدان ؟؟؟ اكثر ام اقل ام ماذا؟؟
ولكن دائما ما كنت اعلم انه من المؤكد ان له ابناء وانهم ولا بد متفوقون وانهم كثيرا ما يسهرون الليالي الطوال يدرسون ويتذاكرون حتى يعوضوا الاب شقاء الصباح فالابن مهندس والابنة طبيبة والصغرى مدرسة هكذا دائما نتاج الكفاح او لنقل في كثير من الاحيان يكون الحصاد حلو المذاق عذب القسمات بديع الصفات.
في هذا الصباح رأيته يتناول فطوره الذي لم اره من قبل ويالله من فطور عجيب!!! انه يقبع امام هذا المحل منذ فترة ولم اكن اعلم مدى ارتباطه به إلا اليوم عندما وجدته في الصباح الباكر يتوجه نحو المحل وينادي يا محمد "هات كوب عصير قصب خلي الواحد يبدتي يومه على خير" وجاء محمد بالعصير والى فمه يرتفع الكوب وفي لحظات معددودة ينتهي المشهد بقوله "يا فتاح يا كريم توكلنا عليك يارب".