النهارده 13 رمضان
كل سنة والكل طيب و بالف خير. بعد حوالي 15 يوم هيجي العيد الصغير، و دايما الاعياد
مرتبطة عندنا بالافراح و المناسبات الحلوة، ربنا يكتر منها يارب. تحت بيتنا منجد
افرنجي ، بينجد اطقم صالونات و انتريهات ، اوقات كتيرة بحب اتفرج على شغله ، الوانه
حلوة و بيعمل حاجات جميله. اخدت فنجان قهوتى و قلت استمتع بمنظر البدر و هو منور
السما ما هي النهارده ليله قمريه، و كانو سهرانين بيشتغلوا في حاجة عروسه، ولقيته مرة واحده من غير سابق انذار،عمره مابين 12-15 سنه وسط القماش و
الاسفنج و بواقي الشغل، عامل سرير عموله و في سابع نومه رايح. سبحان الله هادي و
راسي متقلبش من الملل و لا الزهق. نايم و هو مرتاح. اقول ايه يا بخته على الراحة
اللي هو فيها و لا هدوءة ، مش عارفه. اتمنيتله نومه هنيه قبل ما الاسطى يشوفه اهو
يكون ريح شويه من تعب الشغل. و الف مبروك للعروسه.
ليست هناك تعليقات:
إرسال تعليق